मिन्चायान्

-आरडी कुलुङ
युपा छुक्तो खात्लो 
सानिवा आम्मिमा सिये
ओ गोलुङ आम्मीपा पेरबाने ।

मिनोओ ःओ चउलुम आना खाईलेतु
ओ मुक्स्पी आन्ङाङ तुचाए
गुगुरगोपा ओहल्लाछा तुवोना आम्साम् मपो
हुआ उसोङ छिप्पोनोलो सानिवा देई चाइसे ।

मुक्स हलोना गुगुरगोपाङ खोयान्
मिन्चायान्
ओ दोक्पी छिम्यान्नो
मिक्वा देई हुप्से ।

दोक्पी छिम्यान्नोना सानिवा तुक्लो मिनो
हनान् आना कोङ हो_िक्सयो
कास हाल्लोसो तुप्चीनो
ओ चउलुम खुस्ना आन् हापीहापी खालेता ।

खोरोसो ओ सानिवाःक आनङा लाम्चाए
ओ मुक्साआ आम् लामङाङ खोङ्चय । 
ओन्तोरो सानिवा पीःलम्पाना
चउलुम्् बाइम्पाना
आन् दानाई 
ओप्का मेक्सा छु दुर
कोङ् मान्यु दुर ?

मिन्तोबायोलो
आन्ने ओ सोम्ये छुवाखात्क तुवे
चउलुमये छुवाखात्क तुवे
सोम् मान्दीक सम्
चउलुम मान्दीक गाम्
दानाई छुवे ?

गाम्पाका सोम्ने सियेकलेइये लत्ते
चउलुम मान्दिक सोम्छा छुदुरनो
खोरो दानाइ कास् मान्यु लइची ?
होन्यी लइची ?

हनान् आन्मान्दी तु दुरोनो
आना हो_िक्सयोक लेइ
कोङ अ चारपोतेल्पी छुवोनो ।